محدثین اندلس

Description

ڈاکٹر جمیلہ شوکت

آپ پنجاب یونیورسٹی سے عربی، اسلامیات اور تاریخ میں ایم اے، کیمبرج یونیورسٹی برطانیہ سے ڈاکٹریٹ کی ڈگریاں حاصل کر چکی ہیں۔ ادارہ علوم اسلامیہ پنجاب یونیورسٹی میں ۱۹۶۶ء سے ۲۰۰۰ء تک تدریس سے وابستہ رہیں۔ اسی جامعہ میں چیئرپرسن ادارہ ہذا، ڈائریکٹر شیخ زاہد اسلامک سنٹر اور ڈین فیکلٹی آف اسلامک اینڈ اورینٹل لرننگ رہیں۔ آپ کی نگرانی میں پی ایچ ڈی کے ۵۰ اور ایم فل کے ۲۰ سے زیادہ تحقیق کاروں نے کام کیا۔ اسلامی نظریاتی کونسل کی رکن رہیں۔ خدمات کے اعتراف میں آپ کو پنجاب یونیورسٹی نے پروفیسر ایمریطس مقرر کیا ہے۔ تین تحقیقی مجلوں، مجلہ تحقیق، الاضوائی اور القلم کی مدیر اعلیٰ رہیں۔ ۳۰ سے زیادہ تحقیقی مقالات، اردو ، عربی اور انگریزی میں شایع ہوئے۔ مسند عائشہ (عربی) اور Studies in Hadith (Biographical Sketch of Ishaq bin Rahawayh)آپ کی نمایاں کتب ہیں۔

محدثینؒ اندلس‘‘ عجیب انکشاف کرتی ہے۔ اس کا مطالعہ یہ راز کھولتا ہے کہ محدثین کی تعداد سال بہ سال بڑھتی گئی، اسی طرح خلافتِ اسلامیہ اندلس میں مستحکم ہوتی گئی۔ وہ سال اسلامی سلطنت کے عروج کے تھے، جب ان محدثین کی تعداد عروج پر پہنچی۔ اس تعداد میں بہ تدریج کمی آتی گئی اور اسی رفتار سے خلافت و سلطنت زوال پذیر ہوتی گئی۔ آخری سال میں محدثین کی تعداد معدودے چند رہ گئی۔
’’محدثین اندلس‘‘ کا پیغام ہے کہ عصر حاضر کے مسلمانوں کو اپنے اصل علمی سرمایے کی طرف لوٹنا ہوگا۔